Þessi tvöfalda, hæggenga plata er tileinkuð öllum þeim frábæru listamönnum sem ég kynntist, sem barn, í gegnum Ríkisútvarpið og kenndir eru við latínsk – karíbska músík. Þar á meðal eru; Harry Belafonte, Lee Hayes, Pete Seeger, A.C.Jobim, Luiz Bonfá, Celia Cruz og eru þá aðeins örfáir taldir.
Einnig Vestur-Afrísku listamönnunum, sem ég kynntist löngu síðar og vann með; þeim Ze Manél og öðrum meðlimum hljómsveitarinnar Super Mama Djombo, frá Guinea Bissau, en tónlist þeirra sækir rætur sínar í „tribal – music“ sem er upprunalega sprottin af sama grunni og karíbska músíkin – af æva fornri menningu Vestur – Afríku.
Tónlistin þekkir engin landamæri, hún ferðast með fólki, sjálfviljugu eða ánauðugu og tekur stöðugt á sig nýjar myndir og birtist í nýjum afbrigðum – og hér er mitt tillegg.
Egill Ólafsson
